Прэзэнтацыя Цэнтру беларускіх дасьледваньняў у ЗША (фота і відэа)

19 красавіка ў горадзе Вінфілд (Канзас, ЗША) адбылася прэзэнтацыя Цэнтру беларускіх дасьледаваньняў. Статутныя дакумэнты аб утварэньні гэтага Цэнтру былі падпісаныя яшчэ 11 ліпеня 2006 г. віцэ-прэзыдэнтам Саўтвэстэрн-коледжу Эндры Шэпардам (г. Вінфілд, Канзас) і былым амбасадарам ЗША у Беларусі Дэйвідам Суорцам.

Дэйвід Суорц, першы амбасадар ЗША ў Беларусі, адзін зь ініцыятараў стварэньня Цэнтру.

Перад прысутнымі выступіла Івонка Сурвіла, старшыня Рады БНР.

У цырымоніі адкрыцьця Цэнтру прыняў удзел былы старшыня Вярхоўнага Савету Беларусі Станіслаў Шушкевіч.

У сваім выступе С. Шушкевіч зьвярнуў увагу на неабходнасць дэмакратызацыі шляхам атрымання падставовай гуманітарнай адукацыі, а таксама на тэндэнцыю да ідэалягізацыі гуманітарнай адукацыі ў Беларусі.

Завяршэньне выступу Шушкевіча. Слухачы задавалі шмат пытанняў, а напрыканцы аудыторыя апладзіравала былому старшыні Вярхоўнага Савету стоячы.

Прысутныя на адкрыцьці задаюць пытаньні выступоўцам.

Выступае Зінаіда Гімпелевіч, прафэсарка катэдры славянскіх і германскіх дасьледаваньняў унівэрсытэту Ватэрлоо (Антарыё, Канада).

Адкрыцьцё Цэнтру завяршылася музычным вечарам з удзелам Сяржука Сокалава-Воюша.

Інфармацыю пра Цэнтар беларускіх дасьледваньняў можна знайсьці таксама на інтэрнэт-старонцы Цэнтру
.